Dieta scientifica

Plurilinguitad e minoritads linguisticas en il context global

Evangelia Adamou

TBA

Evangelia Adamou è ina perscrutadra senior da linguistica en il Center naziunal per la perscrutaziun scientifica en Frantscha (CNRS). Ella è sa spezialisada sin l'analisa da linguas pauc descrittas e periclitadas cun accent sin il contact linguistic e la bilinguitad cun cumbinar metodas da corpus e psicolinguisticas. Ella ha fatg grondas perscrutaziuns en il Balcan (davart il romani e slav dal Balcan) ed en il Mexico (davart ixcatec ed il romani).

Ella è coeditura da Language ed ella fa era part da la cumissiun da redacziun da Glossa Contact.

Ses ultims cudeschs  èn Endangered Languages (en stampa) per la MIT Press Essential Knowledge Series, Understanding Language Contact (2023, Routledge) cun prof. Barbara Bullock e prof. Jacqueline Toribio, e  The Adaptive Bilingual Mind: Insights from Endangered Languages  (2021, Cambridge University Press). Ultra da quai ha ella coedì il Routledge Handbook of Language Contact  cun prof. Yaron Matras (2021).

Cathomas Bernard

Rumantsch grischun ier, oz e damaun.
Davart la creaziun e l’implementaziun d’ina lingua da scrittira rumantscha surregiunala
[Discussiun cun Dominique Caglia]

Bernard Cathomas, *1946, dr. phil. da l'Universitad da Turitg, ha gì posts da direcziun tar l'organisaziun linguistica Lia Rumantscha, tar la Fundaziun svizra per la cultura Pro Helvetia e tar la Societad svizra da radio e televisiun SSR. El ha inizià la lingua da scrittira unifitgada rumantsch grischun e promovì sia derasaziun ed acceptanza. Sia ultima publicaziun: Ein Weg zur Einheit in der Vielfalt. Plädoyer für Rumantsch Grischun (2023).

Caglia Dominique

Ruschun Grimantsch en terapia (excurs litterar cun translaziun tudestga)
[Discussiun cun Bernard Cathomas]

Dominique Caglia (naschida Dosch) ha studegià psicologia, pedagogia e rumantsch ed è collavuratura scientifica a la Scola auta da pedagogia dal Grischun. Ella doctorescha davart il tema tudestg sco lingua estra e segunda lingua en scolas rumantschas.

Ultra da quai scriva ella differents texts rumantschs, sco p.ex. il roman da fantasy ‘Sindoria’ (2013), in ciclus da poesias ‘Rieischs an muvimaint’ per cumposiziuns musicalas dal project ‘Rieischs’ dal Chor viril Surses (2023), texts curts ch'èn cumparids en l'ovra rumantscha-franzosa ‘5 idioms 5 dunnas’ (2023) u l'istorgia umoristica ‘Ruschun Grimantsch e Misurana – En’istorgia per pitschen e grond’ (en prep.).

Alexandre Duchêne

Plurilinguitad ed inegualitads – ina relaziun dialectala?

Alexandre Duchêne è professer ordinari per sociologia da lingua a l'Universitad da Friburg e co-directur da l'Institut da plurilinguitad. Sia perscrutaziun cumpiglia l’interfatscha tranter las scienzas linguisticas e socialas e s'occupa da la rolla da la lingua en la producziun da las differenzas ed inegualitads socialas. El è stà envidà sco professer ad ENS Lyon (Frantscha), a l'universitad da Jyväskylä (Finlanda), a l'Universitad Laval (Canada) ed al Graduate Center of the City University of New York (USA). El è schefredactur dal International Journal of the Sociology of Language e commember da numerusas cumissiuns da redacziun da revistas internaziunalas. Ensemen cun Deborah Cameron è el coeditur da la seria Routledge The Politics of Language.

Kijan Espahangizi

Tge lingua discurra la Svizra postmigranta?

Kijan Espahangizi (*1978) è in istoricher tudestg-iranais-svizzer e docent privat a l'Universitad da Turitg. El instruescha e fa retschertgas davart l'istorgia da la migraziun, l'istorgia da savida e la globalisaziun ed è responsabel per la furmaziun da scolastas e scolasts al seminari istoric. El è confundatur dal Think & Act Tanks Institut Neue Schweiz INES e commember da la cumissiun spezialisada da la Fundaziun culturala Pro Helvetia. Il 2023 è cumparida la segunda ediziun da ses cudesch Der Migration-Integration-Komplex. Wissenschaft und Politik in einer (Nicht-)Einwanderungsgesellschaft, 1960-2010 (Konstanz University Press 2022). Kijan Espahangizi s'engascha en debattas publicas da maniera punctuada e differenziada e vegn dumandà regularmain da las medias e da las instituziuns sco expert istoric.

Ofelia García

La plurilinguitad decolonisada dal Sid: lecziuns per in context global

Ofelia García è professuressa emeritada en ils programs Ph.D. en l’educaziun urbana ed en las culturas latinamericanas, ibericas e latinas al Graduate Center of the City University of New York. García ha publitgà intensivamain en ils secturs da la bilinguitad/plurilinguitad e da l’educaziun bilingua, da l’educaziun linguistica, da la politica da linguas e sociologia linguistica ed ha survegnì numerus premis. En ils Stadis Unids da l'America è ella vegnida elegida sco commembra da l’Academy of Arts and Sciences (2023) e da la National Academy of Education (2018). Dapli sin www.ofeliagarcia.org.

David Kroik

Instruir, emprender e revitalisar las linguas indigenas: ina perspectiva dal sami

David Kroik è professer extraordinari a la Nord University, Norvegia. El ha questa funcziun en la facultad Teacher Education and Arts. Tar ses champs spezialisads tutgan il sami dal Sid, la linguistica e l'instruir e l’emprender linguas. Kroik è era manader da la gruppa da perscrutaziun transdisciplinara davart il sami a Nord University. En sias perscrutaziuns actualas intercurescha Kroik il svilup professiunal da scolastas e scolasts da sami dal Sid cun raquintar da lur experientschas davart l'acquisiziun da linguas. Croik s'engascha er activamain per studis da la cuntrada linguistica, nua ch'el applitgescha ina perspectiva indigena critica per intercurir ils spazis colonials en Saepmie. Sco in che ha emprendì sco creschì il sami dal Sid, sa deditgescha David Kroik da gidar auters ad emprender lur atgna lingua d’origin. La lavur da Kroik resplenda l'impurtanza da mantegnair e revitalisar las linguas indigenas, surtut en contexts da l'educaziun. Ses engaschi per l’instruir e l'emprender da la lingua dal sami dal Sid exemplifitgescha ses engaschi per revitalisar las linguas indigenas.

La fotografa Helena Andersson Holmqvist

Kusters Annelies

Mobilitad globala tras las linguas da segns

Annelies Kusters è professuressa da sociolinguistica a la Heriot-Watt University, nua ch'ella lavura dapi il 2017. Cun ina passiun per la perscrutaziun etnografica ha ella manà numerusas lavurs al lieu, tranter auter en Ghana, en l'India ed en la Gronda Britannia. Ella vegn renconuschida per sia experientscha en il studi da las praticas linguisticas, da las ideologias linguisticas, dal transnaziunalissem, da la mobilitad e da las medias en relaziun cun las linguas da segns. Professer Kusters ha realisà set films documentars sin fundament da l'etnografia linguistica.

Direcziun generala

• Prof. Dr. Gian-Paolo Curcio, rectur

Direcziun cuntegn scientific

• Prof. Dr. Vincenzo Todisco, manader da la professura talian e didactica dal talian SAPGR

Direcziun cuntegn scientific

• Dr. phil. Edina Krompák, manadra da l’Institut per didactica dal rom da las linguas e da la linguistica da furmaziun a la Scola auta da pedagogia da Lucerna

Direcziun organisaziun generala

• Lilian Ladner, manadra da project stab dal rectorat