Las scolaziuns supplementaras CAS, DAS ed il MAS a la SAPGR èn reconuschidas da la EDK. Ellas dattan la schanza a las persunas d'instrucziun da pudair surpigliar incumbensas directivas en la scola u da savair sustegnair il svilup da la scola cun enconuschientschas professiunalas spezialisadas e profundadas.

Las scolaziuns supplementaras sa differenzieschan tenor lur cuntegn e volumen. In Master of Advanced Studies (MAS) cumpiglia en minimum 60 puncts da credit ECTS, in Diploma of Advanced Studies (DAS) almain 30 puncts da credit ed in Certificate of Advanced Studies (CAS) 10 puncts da credit ECTS. In punct da credit ECTS correspunda circa ad in pensum da lavur da 30 uras. 40 % da quellas uras da lavur èn uras d'instrucziun ch'ins sto esser preschent.