... quai tuna forsa in pau exagerà ... Igl è però in fatg a la SAPGR - il rapport cun la pratica è in element central da las duas scolaziuns «scolina» e «scola primara». Vus essas, quasi gia durant l’emprima emna da la scolaziun, en ina scolina u ina scola primara. L’emprim essas Vus be aspectatur(a)s, però i na va betg ditg fin che Vus preparais ed instruis sez Vossa emprima lecziun. Vossas experientschas vegnan probablamain a sa differenziar da Vossas imaginaziuns; vus vegnis a vesair, ch’ils uffants e la situaziun influenzeschan fermamain quai che succeda durant l’instrucziun. Instruir na pon ins natiralmain betg mo tenor plaschair, ins sto era sa basar sin savida professiunala. Omadus fan part da la scolaziun: teoria e pratica.

Dal reminent: La scolaziun che Vus terminais cun il Bachelor avra a Vus era pli tard perspectivas per studis supplementars, per perfecziunament u per novas, autras activitads.

Ulteriuras infurmaziun chattais Vus sin las suandantas paginas: SCOLINA, SCOLA PRIMARA, PRATICA PROFESSIUNALA.