- e viceversa
La lavur principala dal ressort da perscrutaziun e svilup a la SAPGR è la perscrutaziun orientada a l’applicaziun e l’implementaziun dals resultats. Ina savida da basa e d’agir è il fundament per il svilup da scola e per la furmaziun ed il perfecziunament da persunas d’instrucziun. Ils resultats da la perscrutaziun vegnan elavurads e publitgads cuntinuadamain. Projects da perscrutaziun vegnan preschentads e discutads regularmain en colloquis publics.
La partiziun P&S da la SAPGR focusescha sias activitads scientificas sin dus champs: svilup da scola e plurilinguitad.
La perscrutaziun d’instruir ed emprender gida dentant era a professiunalisar las persunas d’instrucziun. Quai succeda cun agid da constataziuns examinadas scientificamain en il champ d’instruir ed emprender. La perscrutaziun da la furmaziun metta a disposiziun infurmaziuns scientificas. Quellas èn la basa per savair decider dumondas praticas e politicas da la furmaziun. Vinavant dà ella in argumentari per la planisaziun da furmaziun sco era per il svilup da la scola.
La finamira da la perscrutaziun è da transfurmar ses resultats e sias enconuschientschas en models che pon vegnir realisads e duvrads directamain en la pratica. Questa finamira è accumplida sch’ins vegn da realisar ils resultats da la perscrutaziun en la pratica da scola e sch’i resulta tras quai ina plivalur per la pratica.