Cumpetenza è la premissa per qualitad – qualitad d’instrucziun. Novas schanzas maina la partiziun “Furmaziun cuntinuada” da la SAPGR cun ina purschida variada ch’è concepida tenor ils differents basegns. Ella pussibilitescha e sustegna in svilup persunal ed ina qualificaziun professiunala da las persunas d’instrucziun e promova cun quai era il svilup da la scola e da l’instrucziun. Ils curs da la SAPGR sa drizzan a mussadras e mussaders, scolast(a)s primar(a)s e secundar(a)s, mainascolas, persunas d'instrucziun spezialisadas, terapeut(a)s ed ad ulteriuras persunas che s’interesseschan per las scolas publicas, sco geniturs e cussegls da scola. I dat curs per persunas d’instrucziun da la pratica sco era occurrenzas publicas da pedagogia a la SAPGR.

Curs da perfecziunament facultativs

Differentas purschidas alternantas per il svilup e la profundaziun da las cumpetenzas professiunalas e persunalas. Program dals curs.

Scolaziuns supplemetaras

Studis da certificat e da master per qualificaziuns supplemetaras (mainascola, pedagogia curativa da scola, qualificaziuns supplementaras per l’autorisaziun d’instruir en singuls roms e.u.v.). Purschida; scolaziuns supplementaras

Incumbensas da terzas persunas

Quests curs da perfecziunament èn primarmain ils curs obligatorics, perfecziunaments interns e perfecziunament da persunas d’instrucziun da lingua taliana. Il chantun e las vischnancas èn savens quels che incumbenseschan ils curs ed annunzian in basegn da perfecziunament specific da lur persunas d’instrucziun u da commembers e commembras da las autoritads da scola.

Persunas d’instrucziun da la pratica

La scolaziun da la pratica professiunala è in’impurtanta pitga dal studi a la SAPGR. Las persunas d’instrucziun da la pratica vegnan qualifitgadas cun ina furmaziun supplementara correspundenta.

Occurrenzas

La partiziun “Furmaziun cuntinuada” organisescha occurrenzas internas a la SAPGR, però era ciclus da referats publics che tractan dumondas actualas da la pedagogia.