Furmaziun cuntinuada interna (FCI) da scolas è ina furma decentralisada da la furmaziun cuntinuada e sustegna in entir team da scola da cuntanscher ina finamira communabla. Per incumbensa dal chantun Grischun porscha la SAPGR differents curs da FCI. Quests curs pon ins reunir cun il slogan „ en viadi per buna instrucziun en ina buna scola“.

Per l'onn da scola 2010/2011 vegn la purschida engrondida cun ulteriurs curs e cun ulteriuras pussaivladads per s'approfundar. Vus avais la pussaivladad dad eleger curs adattads per Vossa scola or d'ina purschida anc pli vasta.

Purschida FCI fin la fin da l'onn da scola 2009/2010
Nova purschida FCI a partir da l'onn da scola 2010/2011

S'annunziai per plaschair ad uras sche Vus planisais ina FCI (almain 3 mais avant che cumenzar cun il curs). Nus as cussegliain gugent per chattar in curs adattà e per integrar bain il curs da FCI en il process da svilup da Vossa scola. (Planungshilfen SchiWe)

Per pudair far in curs da FCI duvrais Vus la permissiun da l'uffizi per scola populara ed il sport(AVS). Il formular correspundent chattais Vus sin la pagina d'internet AVS.
La permissiun è la garanzia ch'igl chantun surpiglia ils custs. Dumondas da custs regla la SAPGR directamain cun l'AVS.

En cas che Voss team da scola vuless far in auter curs che quels ch'ils chantun sustegna, gidain nus gugent ad organisar e realisar in tal curs. Purschidas concretas chattais Vus sin la pagina. Curs sin dumonda.