Instruir ed emprender pluriling – co vai vinavant?

Apprendimento e insegnamento plurilingue – come proseguire?

Mehrsprachiges Lehren und Lernen – wie weiter?

Enseignement et apprentissage plurilingue – comment continuer?

Multilingual learning and teaching – how to proceed?

L’instrucziun d’almain duas linguas estras en scola primara è decidida sin champ politic. Ussa s’impona la dumonda  da sia realisaziun pedagogica e didactica. La didactica da la plurilinguitad porscha pussaivladads empermettentas per emprender linguas estras a moda cumplessiva. Scolaras e scolars na s’ocuppan betg mo cun la lingua estra, mabain cun tematicas specificas e savair general en la lingua estra.

Da quai resultan era dumondas per persunas d’instrucziun e per la scienza linguistica: N’è la cumplexitad betg memia pretensiusa per persunas d’instrucziun e scolars? Èn scolaras e scolars pli flaivels dischavantagiads? Co san ins valitar las prestaziuns linguistics? Han las scolas avunda resursas per in emprender pluriling che duai vegnir realisà en in rom integrà? Curt: Datti ina discrepanza tranter postulats pretensius da la didactica dal plurilinguissem e la pratica?

Il congress tematisescha  questas dumondas ord perspectiva teoretica e pratica, cun referats ed ateliers. A Cuira vegnan ad esser preschents exponents fitg impurtants da la didactica dal plurilinguissem cun lur concepts ed experientschas. Durant domadus dis dal congress vegnan las dumondas messas en relaziun cun furmas da realisaziun concretas.  Il lieu dal congress, la Scola auta da pedagogia dal Grischun, sco unica scola auta trilingua da la Svizra represchenta en quest context ina ferma muntada simbolica.

Infurmaziuns detagliadas davart il congress